"SuMaN SuDhA"

वयस्कका लागि मात्र 'पलपलमा'



काठमाडौं असार ११ - सुटिङकै बेला 'हट सिन' का कारण चर्चामा आएको फिल्म 'पलपलमा'लाई सेन्सर बोर्डले 'एडल्ट' सर्टिफिकेट दिएको छ। सोमबार सेन्सर गरिएको यो फिल्मलाई कथावस्तुका कारण एडल्ट फिल्मको सर्टिफिकेट दिइएको बताइएको छ।सेन्सरले 'वयस्कका लागि मात्र' भन्ने सर्टिफिकेट दिएपछि यो फिल्म १६ वर्षभन्दा मुनिका दर्शकले हेर्न पाउने छैनन् । "चलचित्र विकास बोर्ड र सेन्सर बोर्डले यसको अनुगमन गर्नेछ" सेन्सर सदस्य सुचित्रा श्रेष्ठले भनिन् ।रमित ढुंगाना र सुजाता सिटौलाका केही दृश्य पहिले नै चर्चामा आएका भए पनि सेन्सरले कुनै पनि दृश्य काटेको छैन । उकेश दाहालले निर्देशन गरेको यो फिल्ममा दिलिप रायमाझी रमित ढुंगाना सुजाता सिटौला र रुपा रानाले अभिनय गरेका छन् । फिल्म पुरुष यौनकर्मीको विषयमा भएको बताइएको छ। यसअगाडि पनि 'फैसला' सहित केही नेपाली फिल्म वयस्कका लागि मात्र भनिए पनि जनचेतना र अनुगमन गर्ने निकाय प्रभावकारी नहुँदा किशोर किशोरीहरुले पनि फिल्म हेरेका थिए।